Enoc Hernández Cruz, te la stso’m sbaik xchiuk jsa’ lo’il a’yejetik

•La xcholbe smelol sventa li ach’ ya’mtel xchiuk li ajbalil ta Chiapas Manuel Velasco Coello

Manuel Gómez, Yosilal Jovel, sk'ak’alil jvevex, vaklajune'm yual junio, sja'bilal 2016.- Li Licenciado Enoc Hernadez Cruz, te la stso’m sbaik xchiuk ali j-al lo’il a’yejetik sventa li Prensa.

La Jya’k ta nael li ach ya’mtel xchiuk li ajbalil ta yosilal Chiapas Manuel Velasco Coello, sventa ti akó xi’ch jambel mas smelolal li lo’il a'yejetik, ti k’usi ta xk’otanuk ta pasel Jujun k’ak’al ta kosilaltike.

Te la jyal ti ya’mtel kome ja’ te ta x-amtej likel t asna li ajbalile yu’un jech j ata xti’kban ochel sventa li jsa’ lo’il a’yejetike.

Oy ep li k’usi cha k’an cha ja’kbik smelole pero, oy bakintik mu xa albatik lek yu’un li jujun ajabaliletike, jechoxalun, vu’un ta xi ti’kban ochel ti ta sa’el lo’il ayej xchiuk ti jujun j-amteletik yu’un li ajbalile tas venta ti k’usi cha k’an cha ja’kbike, xi.

Te la jyal, ti k’ajomal la sk’an permiso 90 dias sventa ta sk’elel batel ti ach’ amtelal taje, yu’un mu’yuk to lo’kem, o mu’yuk to skomtsanoj a li Partido Mover a Chiapas.

Ja’ no’ox jech xtok te la jyal ta slaje’m, ti oy la cursoetik sventa xu’ xi’ch tael a li Licenciatura sventa li periodismo, ja’ sventa li buch’u ta x-amtejik sventa li jsa’ lo’il a’yejetike.