•La jya’k’ ta na’el a li  sba s-informe li Presidente Munícipal ta slumal Cancuc, Manuel Lopez Guzmán.

Manuel Gomez, sk’ak’alil jvevex vaki’m (6) yual octubre, sja’bilal 2016.- Li Presidente municipal ta yosilal San Juan Cancuc, Manuel López Guzmán te la xchol li sba informe yu’un li Ayuntamiento yo’ buy jech la jya’k ta na’el li k’usi x-elan amtejemtal jun ja’bil.

Ti xcholbel smelol taje ja’ jech tsakal ta Ley te ta Artículo 40 Fracción 31 yu’un li Ley Orgánica Municipal li´ ta kosilaltik Chiapas.

Taj ti informe te la jya’k’ ta yut auditorio municipal yu’un basquetbol ti ja’ te k’ot a li agenteetik, patronatoetik, comitéetik xchiuk batsi vinik antsetik yajbal a li municipio.

Ti Presidente Municipal te la jyal ti jech te lajem a li 20 Millones 708 mil 346 pesos sventa li servicios públicos yu’un jech te la jyi’ch meltsanel a li sve ik’al vo’etik ta barrio: La Gloria, Poconaj  xchiuk Barrio Yasha.

Ja no’ox jech xtok te laj a li jun millón 852 mil, 426 pesos. sventa la jyi’ch k’extael lucetik xchiuk a li la jyi’ch tojel a li jun millón 960 mil, 829 pesos ilil ta stojolal Comision Federal de Electricidad.

Te la jyi’ch ak’bel sbeelik balunlajune’m (19) chanabunetik xchiuk te la jyi’ch pasbel yaxim canchas ta centro yu’un San Juan Cancuc, Nailchen, xchiuk Barrio Abajo, ja’ te tun a li vo’om millon 915 mil 183 pesos, 

Te la jyi’ch meltsanel be’etik ta paraje: Baquelchan xchiuk Barrio Yashá; ja0 te tun a li lajche’m  millon 426 mil 181 pesos. Xchiuk laj balunem millón 616 mil 741 pesos sventa li pavimentación li ta Barrio Yasha xchiuk Iwiltic.

Ja’ no’ox jech xtok te xyaket amtel te ta be carro yu’un a li paraje San José Chacté k’alal Sitalá xchiuk, Chilolja k9alal Nichteel” y xyaket sk’oplal a li Yashnail–Lejlemchij. 

La jyi’ch ach’umtasel 713 ta bej naetik te ta paraje yu’un: Nichteel San Antonio, Barrio abajo, Tzametal, Chacte´, Yashnail, Crusilja, Oniltic, Chancolom, Iwiltic, Palma 1, Yocwitz, Tzajalhucum, El Rosario, San José Chacte, Bapuz, Tzunjok, Chojchow, Yanchen, Independencia, Tzuluwitz, Chiloljá, El Pozo, Chicjá, Cruzton, Palma Pajal Uno, Te´mash, Tzemen, Juc´niil, Axultic, Tzajalchen, Tzumbal ja’ te laj a li 89 millones, 767 mil, 107 pesos.

Xchiuk no’ox xtok te la jyi’ch achumtasel a li 100 ta bej naetik xchiuk 85 cuartos ja stak’inal ali Programa de Construcción de Unidades Básicas de viviendas Rurales yu’un SEDATU ti ja’ te laj a li lajune’m millon 382 mil, 454 pesos, xchiuk mas 3 millones 984 mil, 948 sventa achumtasel bañoetik xchiuk ve’ebaletik.

Taje xchiuk k’usi yantik a’mtelal ja´ jech spasoj li Presidente Municipal y ja’nox jech xtok te la stojbe ta bokol a li ajbalil ta yosilal Mexico Enrique Peña Nieto xchiuk li ajbalil Manuel Velasco Coello ti jech ja’ ta xkoltabaniktale, xi.